რუსული ხორბლისა და პროპანის კიდევ ერთი სატვირთო მატარებელი აზერბაიჯანის ტერიტორიის გავლით, ტრანზიტის რეჟიმში, სომხეთის მიმართულებით გავიდა, იუწყება Report.

10 ვაგონისგან შემდგარი მატარებელი დღეს აზერბაიჯანის რკინიგზის ბილაჯარის სადგურიდან ბოიუქ-ქასიქის სადგურის მიმართულებით გავიდა.

ცხრა ვაგონში 630 ტონა ხორბალია, ხოლო ერთ ვაგონში — 36 ტონა პროპანი.

ამ დროისთვის, რუსეთისგან სომხეთში აზერბაიჯანის გავლით, ტრანზიტის რეჟიმში, გადაზიდულია 49 000 ტონაზე მეტი მარცვლეული, დაახლოებით 9 000 ტონა სასუქი, 1 136 ტონა პროპანი, 133 ტონა ალუმინი, 1 114 ტონა ქვანახშირი და 67 ტონა ხე-ტყე.

აზერბაიჯანიდან სომხეთში პირდაპირ ექსპორტირებული ნავთობპროდუქტების მოცულობა შეადგენს დაახლოებით 15 000 ტონა დიზელის საწვავს და დაახლოებით 5 000 ტონა AI-92 და AI-95 მარკის ბენზინს.