მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
თურქმენეთის ეროვნულ ტურისტულ ზონაში „ავაზა“ დსთ-ის ქვეყნების ლიდერთა სამიტი ვიწრო და გაფართოებულ ფორმატებში გაიმართა. სხდომა თურქმენეთის პრეზიდენტმა სერდარ ბერდიმუჰამედოვმა გახსნა. მისი განცხადებით, დსთ-ის ფორმატმა საერთაშორისო აქტუალურ საკითხებზე კონსულტაციების
თურქმენეთის ეროვნულ ტურისტულ ზონაში „ავაზა“ დსთ-ის ქვეყნების ლიდერთა სამიტი ვიწრო და გაფართოებულ ფორმატებში გაიმართა.
სხდომა თურქმენეთის პრეზიდენტმა სერდარ ბერდიმუჰამედოვმა გახსნა. მისი განცხადებით, დსთ-ის ფორმატმა საერთაშორისო აქტუალურ საკითხებზე კონსულტაციების მიმზიდველი პლატფორმის რეპუტაცია დაიმკვიდრა.
მისი თქმით, დღეს ავაზაში გამართული სხდომა მნიშვნელოვან პერიოდს ემთხვევა — დამოუკიდებელ სახელმწიფოთა თანამეგობრობის დაარსებიდან 35 წლისთავს.
„განვლილი გზის ზოგიერთი შედეგის შეჯამებისას შეგვიძლია სრული პასუხისმგებლობით განვაცხადოთ, რომ დამოუკიდებელ სახელმწიფოთა თანამეგობრობამ ეს გზა ღირსეულად გაიარა. ობიექტური სირთულეების მიუხედავად, ჩვენ შევძელით თანამშრომლობის საფუძვლის შენარჩუნება და მისი თანასწორუფლებიანი, ურთიერთპატივისცემასა და ორმხრივ სარგებლობაზე დაფუძნებული ხასიათის უზრუნველყოფა“, — განაცხადა სახელმწიფოს მეთაურმა.
პრეზიდენტმა აღნიშნა, რომ დსთ-ის ქვეყნებს შორის სავაჭრო-ეკონომიკური კავშირები თანმიმდევრულად ვითარდება, ხოლო ბოლო წლებში საქონელბრუნვის საერთო მოცულობის დადებითი დინამიკა შეინიშნება.
ბერდიმუჰამედოვის თქმით, ფართოვდება პოლიტიკური და დიპლომატიური თანამშრომლობის დღის წესრიგი. დსთ-ის ფორმატმა საერთაშორისო აქტუალურ საკითხებზე კონსულტაციების მიმზიდველი პლატფორმის რეპუტაცია დაიმკვიდრა.
ბერდიმუჰამედოვმა ასევე ხაზი გაუსვა, რომ ჰუმანიტარული თანამშრომლობა მრავალ მიმართულებას მოიცავს, მათ შორის კულტურას, მეცნიერებას, განათლებასა და სპორტს.
სამიტში მონაწილეობდნენ რუსეთის პრეზიდენტი ვლადიმირ პუტინი, აზერბაიჯანის პრეზიდენტი ილჰამ ალიევი, ბელარუსის პრეზიდენტი ალექსანდრე ლუკაშენკო, ყაზახეთის პრეზიდენტი ყასიმ-ჟომარტ ტოყაევი, ყირგიზეთის პრეზიდენტი სადირ ჟაპაროვი, ტაჯიკეთის პრეზიდენტი ემომალი რაჰმონი, უზბეკეთის პრეზიდენტი შავქათ მირზიოევი და სომხეთის პრემიერ-მინისტრი ნიკოლ ფაშინიანი.
მოგვიანებით შეხვედრა გაფართოებულ ფორმატში გაგრძელდება. დსთ-ის ქვეყნების ლიდერებს პირველად შეუერთდება ირანის პრეზიდენტი მასუდ ფეზეშქიანი.
სამიტის დღის წესრიგი დაახლოებით 15 საკითხს მოიცავს. შეხვედრის შედეგების მიხედვით, დაგეგმილია სახელმწიფოთა მეთაურების ერთობლივი განცხადების მიღება, რომელშიც შეფასდება დსთ-ის საქმიანობის შედეგები ბოლო 35 წლის განმავლობაში და განისაზღვრება გაერთიანების განვითარების პერსპექტივები.
