მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
ჯაბრაილის რაიონში დღის განმავლობაში ნაღმზე აფეთქების მეორე შემთხვევა მოხდა. როგორც Report-ი იუწყება, ამის შესახებ აზერბაიჯანის რესპუბლიკის შინაგან საქმეთა სამინისტროს, გენერალური პროკურატურისა და ნაღმებისგან გაწმენდის სააგენტოს (ANAMA) ერთობლივ განცხადებაშია
ჯაბრაილის რაიონში დღის განმავლობაში ნაღმზე აფეთქების მეორე შემთხვევა მოხდა.
როგორც Report-ი იუწყება, ამის შესახებ აზერბაიჯანის რესპუბლიკის შინაგან საქმეთა სამინისტროს, გენერალური პროკურატურისა და ნაღმებისგან გაწმენდის სააგენტოს (ANAMA) ერთობლივ განცხადებაშია ნათქვამი.
ინფორმაციის თანახმად, ჯაბრაილის რაიონის სოფელ დაგმაშანლის ტერიტორიაზე ქვეითსაწინააღმდეგო ნაღმზე აფეთქდა 1966 წელს დაბადებული აშრაფ ელმან ოღლუ გაჰრამანოვი, ადრე დაშავებული ორხან გაჰრამანოვის მამა. მან სხვადასხვა სიმძიმის დაზიანებები მიიღო.
მომხდარ ფაქტზე ჯაბრაილის რაიონულ პროკურატურაში გამოძიება მიმდინარეობს.
„ANAMA, აზერბაიჯანის რესპუბლიკის შინაგან საქმეთა სამინისტრო და გენერალური პროკურატურა კიდევ ერთხელ მოუწოდებენ მოქალაქეებს, დაიცვან უსაფრთხოების წესები, ყურადღება მიაქციონ ნაღმების საფრთხის შესახებ გამაფრთხილებელ ნიშნებს, არ შეეხონ საეჭვო საგნებს და არ შევიდნენ უცნობ და შემოღობილ ტერიტორიებზე“, — ნათქვამია განცხადებაში.
