ბაქოში, ეროვნული ტანვარჯიშის არენაზე, ძიუდოში მსოფლიო ჩემპიონატის გახსნის ცერემონია გაიმართა.

როგორც Report იუწყება, გახსნის ცერემონიაში აზერბაიჯანის რესპუბლიკის პრეზიდენტმა ილჰამ ალიევმა მიიღო მონაწილეობა.

თავდაპირველად სახელმწიფოს მეთაური შეხვდა აზერბაიჯანელ სპორტსმენ აჰმედ იუსიფოვს, რომელმაც ბაქოში მიმდინარე ძიუდოს მსოფლიო ჩემპიონატზე ოქროს მედალი მოიპოვა.

სპორტსმენის დიდი გამარჯვების მილოცვისას პრეზიდენტმა ილჰამ ალიევმა განაცხადა:

— შენ მთელი ჩვენი ხალხი გაახარე. ამასთან, ბრძოლა ძალიან დაძაბული იყო. ყველა მეტოქე ძალიან ძლიერია. ფინალურ შეხვედრაში სუფთა გამარჯვების მოპოვება, რა თქმა უნდა, დიდი მიღწევაა. მთელი გულით გილოცავ. მსოფლიო ჩემპიონობა ყველა სპორტსმენის ოცნებაა. დარწმუნებული ვარ, შენც ამ ოცნებით ცხოვრობდი და ამ მწვერვალს მიაღწიე, თანაც სამშობლოში. ამიტომ გულითადად გილოცავ და ახალ წარმატებებს გისურვებ.

ჯერ კიდევ ახალგაზრდა ხარ. წინ ბევრი შეჯიბრებაა. დარწმუნებული ვარ, ყოველთვის ღირსეულად და მაღლა აიტან ჩვენი სამშობლოს სპორტულ ღირსებას“.

ძიუდოში მსოფლიო ჩემპიონატის გახსნის ცერემონია აზერბაიჯანში სპორტის განვითარებისადმი მიძღვნილი ვიდეორგოლის ჩვენებით დაიწყო.

აზერბაიჯანის ძიუდოს ფედერაციის პრეზიდენტმა, ციფრული განვითარებისა და ტრანსპორტის მინისტრმა რაშად ნაბიევმა აღნიშნა, რომ მისთვის დიდი პატივია, კიდევ ერთხელ მიესალმოს ძიუდოს მსოფლიო ოჯახს ბაქოში. მან ისაუბრა რესპუბლიკაში სპორტის, მათ შორის ძიუდოს განვითარებისადმი გამოჩენილ ყურადღებაზე და ხაზი გაუსვა ამ სფეროსადმი აზერბაიჯანის პრეზიდენტისა და ეროვნული ოლიმპიური კომიტეტის პრეზიდენტის, ილჰამ ალიევის, მუდმივ მხარდაჭერას.

„მივესალმები სპორტსმენებს აზერბაიჯანში — ინიციატივების, ენერგიის, ახალი ტექნოლოგიებისა და მდგრადი განვითარების, ასევე სპორტის, კულტურისა და ტრადიციების ქვეყანაში“, — განაცხადა ძიუდოს საერთაშორისო ფედერაციის პრეზიდენტმა მავიუს ვიზერმა. მან მადლობა გადაუხადა აზერბაიჯანის მთავრობას ყველა სახეობის სპორტისა და ღონისძიების, მათ შორის ამ მსოფლიო ჩემპიონატის, მუდმივი მხარდაჭერისთვის. მავიუს ვიზერმა აზერბაიჯანის ძიუდოს ფედერაციას ბოლო წლებში მიღწეული დიდი წარმატებები მიულოცა, ასევე გამარჯვებულებსაც მიულოცა.

ღონისძიება მხატვრული პროგრამით გაგრძელდა.

შემდეგ შესრულდა აზერბაიჯანის სახელმწიფო ჰიმნი და ძიუდოს საერთაშორისო ფედერაციის ჰიმნი.

გახსნის ცერემონია ცნობილი იტალიელი მომღერლის, ალ ბანოს, კონცერტით დასრულდა.

აღსანიშნავია, რომ 4 ოქტომბერს დაწყებული ძიუდოში მსოფლიო ჩემპიონატი 11 ოქტომბერს დასრულდება. ძიუდოს საერთაშორისო კალენდრის ყველაზე პრესტიჟულ შეჯიბრებაში 93 ქვეყნის 622 ძიუდოისტი — 335 მამაკაცი და 287 ქალი — მონაწილეობს.