ამერიკის შეერთებული შტატების პრეზიდენტმა დონალდ ტრამპმა სომხეთის რესპუბლიკის დამოუკიდებლობის 35-ე წლისთავთან დაკავშირებით პრემიერ-მინისტრ ნიკოლ ფაშინიანს მილოცვის წერილი გაუგზავნა. როგორც Armenpress-ი იუწყება, მილოცვის წერილში ნათქვამია:

„პატივცემულო ბატონო პრემიერ-მინისტრო,

ამერიკელი ხალხის სახელით გულითადად გილოცავთ თქვენ და სომეხ ხალხს სომხეთის დამოუკიდებლობის დღეს. ჩვენ თქვენთან ერთად აღვნიშნავთ თქვენი ქვეყნის ერთგულებას მშვიდობის, კეთილდღეობისა და დემოკრატიისადმი.

35 წლის განმავლობაში სომხეთი ამ ფასეულობების ერთგული პარტნიორია. ისტორიული ინიციატივის — „ტრამპის მარშრუტი საერთაშორისო მშვიდობისა და კეთილდღეობისთვის“ (TRIPP) — წინ წაწევით, ველით სომხეთში პროექტების განხორციელებასა და მასში ინვესტიციების ჩადებას და ამით ვასრულებთ ჩვენს ვალდებულებებს სამხრეთ კავკასიაში მშვიდობისა და კეთილდღეობის უზრუნველყოფის მიმართულებით.

როგორც აგვისტოში ჩვენი სატელეფონო საუბრისას განვიხილეთ, სულ რაღაც ერთ წელიწადზე ოდნავ მეტი ხნის განმავლობაში ჩვენ ერთად შევქმენით ისტორია. თქვენი ერთგულება მშვიდობისადმი სომხეთისთვის, შეერთებული შტატებისა და რეგიონისთვის უზარმაზარ შესაძლებლობებს შექმნის.

ჩვენი ხალხების საერთო ფასეულობები კვლავაც ემსახურება ჩვენი ორი ქვეყნის მეგობრობის საფუძველს.

ვულოცავ სომეხ ხალხს და თქვენს მთავრობას“.