აზერბაიჯანის ზამთრის სპორტის სახეობების ფედერაციის გენერალური მდივანი გუნელ ბადალოვა სათხილამურო ალპინიზმის საერთაშორისო ფედერაციის (ISMF) ვიცე-პრეზიდენტად აირჩიეს.

ამის შესახებ Report ეროვნული ფედერაციის პრესსამსახურზე დაყრდნობით იტყობინება.

გადაწყვეტილება ISMF-ის პლენარულ ასამბლეაზე მიიღეს, რომელიც პოლონეთის ქალაქ ზაკოპანეში გაიმართა.

ასამბლეის ფარგლებში, რომელზეც აზერბაიჯანს გუნელ ბადალოვა წარმოადგენდა, საერთაშორისო ფედერაციის პრეზიდენტისა და ვიცე-პრეზიდენტების არჩევნები ჩატარდა.

„გუნელ ბადალოვას ISMF-ის ხელმძღვანელობაში არჩევას მნიშვნელოვანი დატვირთვა აქვს აზერბაიჯანის საერთაშორისო სპორტულ ორგანიზაციებში პოზიციების გაძლიერებისა და ზამთრის სპორტის განვითარების სფეროში ქვეყნის გამოცდილების საერთაშორისო დონეზე წარმოჩენის თვალსაზრისით. ეს ასევე ქმნის ახალ შესაძლებლობებს სათხილამურო ალპინიზმის სფეროში საერთაშორისო თანამშრომლობის გაფართოების, მოწინავე გამოცდილების შესწავლისა და სპორტსმენებისა და სპეციალისტების საერთაშორისო სპორტულ გარემოში ინტეგრაციისთვის“, — ნათქვამია განცხადებაში.