მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
სომხეთის ხელისუფლებამ უახლოეს მომავალში ყურადღება აზერბაიჯანთან პარაფირებული სამშვიდობო შეთანხმების ხელმოწერასა და რატიფიცირებაზე უნდა გაამახვილოს. ამის შესახებ, „არმენპრესის“ ცნობით, სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა. „გუშინ ვსაუბრობდი ისტორიაზე, რომელიც
სომხეთის ხელისუფლებამ უახლოეს მომავალში ყურადღება აზერბაიჯანთან პარაფირებული სამშვიდობო შეთანხმების ხელმოწერასა და რატიფიცირებაზე უნდა გაამახვილოს. ამის შესახებ, „არმენპრესის“ ცნობით, სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა.
„გუშინ ვსაუბრობდი ისტორიაზე, რომელიც ერთად უნდა შევქმნათ, და ძალიან მნიშვნელოვანია იმის განსაზღვრა, თუ როგორ უნდა მოხდეს ეს. ჩემი იდეა ასეთია: უახლოეს მომავალში ყურადღება აზერბაიჯანთან პარაფირებული სამშვიდობო შეთანხმების ხელმოწერასა და რატიფიცირებაზე უნდა გავამახვილოთ. როდესაც ეს მოხდება, შევძლებთ დავაფიქსიროთ, რომ სომხეთის სახელმწიფოებრიობის ურყევობას საფუძველი ჩავუყარეთ“, — განაცხადა ფაშინიანმა.
12 ოქტომბერს სომხეთის რესპუბლიკის პრემიერ-მინისტრმა ნიკოლ ფაშინიანმა Facebook-ის საკუთარ გვერდზე შემდეგი განცხადება გამოაქვეყნა:
„ისტორიაში, ძირითადად, იმას ვგულისხმობთ, რაც წარსულში მოხდა. განა ეს ფუნდამენტური პრობლემა არ არის? თუ ისტორია უკვე მოხდა, კიდევ რისი გაკეთება შეგვიძლია? ან, მაშინაც კი, თუ რაიმეს გაკეთება შეგვიძლია, ეს მხოლოდ წარსულის აწმყოში გამეორებისა და ამ გზით მისი შეცვლის მცდელობაა. თუმცა, პრაქტიკაში შეუძლებელია იმის შეცვლა, რაც უკვე მოხდა.
მაშ, რა უნდა გავაკეთოთ? არსებობს მხოლოდ ერთი გამოსავალი: ისტორიაში ვგულისხმობთ არა იმას, რაც უკვე მოხდა, არამედ იმას, რაც უნდა მოხდეს. ასეთი გაგება გვაქცევს ისტორიის სრულუფლებიან შემოქმედებად, რადგან ისტორია ახლა იქმნება და ხვალაც უნდა შეიქმნას.
რა მოხდა წარსულში? ეს ისტორიული გამოცდილებაა — გამოცდილება, რომელიც პრაქტიკულ სახელმძღვანელოს წარმოადგენს იმის გასაგებად, თუ რა უნდა გავაკეთოთ და რა არ უნდა გავაკეთოთ, რათა ისტორია არ გავიმეოროთ.
სწორედ ამით არის უნიკალური ის ისტორია, რომელსაც დღეს სომხეთის მოქალაქე ქმნის. მსგავსი რამ აქამდე არასდროს მომხდარა და, შესაძლოა, პირველად ვართ ისტორიის შემქმნელები და არა მისი გამმეორებლები.
ისტორია აღარ არის მხოლოდ ის, რაც უკვე მოხდა; ისტორია არის ის, რაც ჯერ კიდევ წინ გველოდება. უნდა განხორციელდეს ისეთი სახელმწიფოს შექმნის სტრატეგია, რომელსაც გრძელვადიანი განვითარების უნარი ექნება და რომელიც თავისუფალი და ბედნიერი სომხეთის ხედვას დაეფუძნება.
ისინი, ვინც რეალური სომხეთის იდეოლოგიას იზიარებენ, იმის მიუხედავად, სად არიან და რით არიან დაკავებული, ამ ხედვით მიდიან სამსახურში.
ყველას გისურვებთ კარგ დღეს!“ – დაწერა ფაშინიანმა Facebook-ში.
