მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
ნიუ-იორკში, გაეროს შტაბ-ბინაში, სომხეთის რესპუბლიკის საგარეო საქმეთა და საერთაშორისო ვაჭრობის მინისტრმა არარატ მირზოიანმა მონაწილეობა მიიღო ღონისძიებაში, რომელიც თემას — „ხელოვნური ინტელექტი საერთაშორისო მშვიდობისა და უსაფრთხოების კონტექსტში“ — მიეძღვნა.
ნიუ-იორკში, გაეროს შტაბ-ბინაში, სომხეთის რესპუბლიკის საგარეო საქმეთა და საერთაშორისო ვაჭრობის მინისტრმა არარატ მირზოიანმა მონაწილეობა მიიღო ღონისძიებაში, რომელიც თემას — „ხელოვნური ინტელექტი საერთაშორისო მშვიდობისა და უსაფრთხოების კონტექსტში“ — მიეძღვნა. როგორც Armenpress-ი იუწყება, ამის შესახებ განცხადება სომხეთის საგარეო საქმეთა და საერთაშორისო ვაჭრობის სამინისტრომ გაავრცელა.
ინდოეთისა და საბერძნეთის მიერ ორგანიზებული ღონისძიების მიზანი ხელოვნური ინტელექტის სხვადასხვა სფეროში განვითარების საკითხების განხილვისთვის პლატფორმის შექმნა იყო. ხელოვნური ინტელექტი სულ უფრო მეტად ინტეგრირდება ეკონომიკაში, კომუნიკაციებსა და უსაფრთხოების სფეროში, ამიტომ მნიშვნელოვანია მისი განვითარებისა და გამოყენების მშვიდობის, სტაბილურობისა და ადამიანური პოტენციალის განვითარების ინტერესების შესაბამისად წარმართვა.
მოხსენებებით გამოვიდნენ გაეროს გენერალური მდივნის ტექნოლოგიების საკითხებში წარმომადგენელი ამანდიპ სინგჰ გილი და გაეროს გენერალური მდივნის მოადგილე, განიარაღების საკითხებში უმაღლესი წარმომადგენელი იზუმი ნაკამიცუ. დისკუსიის ფარგლებში განიხილეს ხელოვნური ინტელექტის პრაქტიკული შესაძლებლობები, მათ შორის კონფლიქტების ადრეული გაფრთხილება, ჰუმანიტარული საჭიროებების შეფასება, სატელიტური მონაცემების ანალიზი, ჰუმანიტარული ლოგისტიკა და აღდგენის დაგეგმვა.
