მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
სომხეთის რამდენიმე თემში არჩევნების დროს კორუფციასთან დაკავშირებულ საქმეებზე სისხლის სამართლის წარმოების ფარგლებში მტკიცებულებების მოპოვებისა და სხვა საპროცესო მოქმედებები მიმდინარეობს. განხორციელდა დაკავებები. როგორც Armenpress-ი იუწყება, ამის შესახებ ანტიკორუფციულ კომიტეტში
სომხეთის რამდენიმე თემში არჩევნების დროს კორუფციასთან დაკავშირებულ საქმეებზე სისხლის სამართლის წარმოების ფარგლებში მტკიცებულებების მოპოვებისა და სხვა საპროცესო მოქმედებები მიმდინარეობს. განხორციელდა დაკავებები. როგორც Armenpress-ი იუწყება, ამის შესახებ ანტიკორუფციულ კომიტეტში განაცხადეს.
„ანტიკორუფციული კომიტეტის მიერ არჩევნების დროს კორუფციასთან დაკავშირებულ დანაშაულებზე დაწყებული სისხლის სამართლის წარმოების ფარგლებში სომხეთის რესპუბლიკის რამდენიმე დასახლებულ პუნქტში მტკიცებულებების მოპოვებისა და სხვა საპროცესო მოქმედებები მიმდინარეობს. ასევე დაკავებულია რამდენიმე პირი. წინასწარი გამოძიების ინტერესებიდან გამომდინარე, ამ ეტაპზე სხვა ინფორმაციის მოწოდება არ შეგვიძლია“, — აღნიშნეს კომიტეტში.
მედიაში გავრცელდა ინფორმაცია, რომ არტიკში პარტიების „ქვეყანა სიცოცხლისთვის“ და „აირენიკის“ წევრები, ასევე უხუცესთა საბჭოს კანდიდატები დააკავეს; მარტუნიში — ბლოკის „ჩვენი თემი“ წარმომადგენლები, ხოლო ეღეგნაძორში — მერი, მისი მოადგილე და საკრებულოს წევრები.
25 ოქტომბერს სომხეთის 21 თემში ადგილობრივი თვითმმართველობის ორგანოების არჩევნები გაიმართება. მათგან 19 თემში არჩევნები პროპორციული სისტემით ჩატარდება, ხოლო ფიოლეტოვოსა და შამირამში — მაჟორიტარული სისტემით.
