მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
პრემიერ-მინისტრმა ნიკოლ ფაშინიანმა ხორვატიის ჯანდაცვის მინისტრი ირენა ჰრსტიჩი მიიღო. როგორც „არმენპრესს“ სომხეთის პრემიერ-მინისტრის ადმინისტრაციის ინფორმაციისა და საზოგადოებასთან ურთიერთობის დეპარტამენტში განუცხადეს, ნიკოლ ფაშინიანმა ხაზი გაუსვა სომხეთსა და ხორვატიას შორის
პრემიერ-მინისტრმა ნიკოლ ფაშინიანმა ხორვატიის ჯანდაცვის მინისტრი ირენა ჰრსტიჩი მიიღო.
როგორც „არმენპრესს“ სომხეთის პრემიერ-მინისტრის ადმინისტრაციის ინფორმაციისა და საზოგადოებასთან ურთიერთობის დეპარტამენტში განუცხადეს, ნიკოლ ფაშინიანმა ხაზი გაუსვა სომხეთსა და ხორვატიას შორის ურთიერთობების ყველა სფეროში განვითარების მნიშვნელობას და აღნიშნა, რომ ბოლო წლებში ორ ქვეყანას შორის აქტიური დიალოგი ჩამოყალიბდა.
პრემიერ-მინისტრმა იმედი გამოთქვა, რომ ქალბატონი ჰრსტიჩის ვიზიტი ჯანდაცვის სფეროში თანამშრომლობის გაფართოებას ახალ იმპულსს მისცემს.
ირენა ჰრსტიჩმა სომეხ კოლეგებთან მიღწეულ შეთანხმებებსა და მათი შემდგომი განხორციელების საკითხებს შეეხო. მან ასევე აღნიშნა ჯანდაცვის სფეროში რეფორმების განხორციელების მიმართულებით გამოცდილების გაცვლის მნიშვნელობა.
