მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
აზერბაიჯანი დაინტერესებულია აშშ-სთან თანამშრომლობით განაღმვის სფეროში და იმედოვნებს, რომ ნაღმების განეიტრალების პრობლემის მოსაგვარებლად ამერიკულ ტექნოლოგიებს გამოიყენებს. როგორც Report-ი იუწყება, ამის შესახებ აზერბაიჯანის ელჩმა აშშ-ში, ხაზარ იბრაჰიმმა, Axios-თან ინტერვიუში
აზერბაიჯანი დაინტერესებულია აშშ-სთან თანამშრომლობით განაღმვის სფეროში და იმედოვნებს, რომ ნაღმების განეიტრალების პრობლემის მოსაგვარებლად ამერიკულ ტექნოლოგიებს გამოიყენებს.
როგორც Report-ი იუწყება, ამის შესახებ აზერბაიჯანის ელჩმა აშშ-ში, ხაზარ იბრაჰიმმა, Axios-თან ინტერვიუში განაცხადა.
მისი თქმით, ერთ სულ მოსახლეზე გაანგარიშებით, აზერბაიჯანი მსოფლიოში ნაღმების როდენობით ერთ-ერთ პირველ ადგილზეა. იბრაჰიმმა აღნიშნა, რომ თანამედროვე ტექნოლოგიურმა მიღწევებმა, შესაძლოა, განაღმვის პროცესის დაჩქარებასა და მისი ეფექტიანობის გაზრდას შეუწყოს ხელი.
„ვიმედოვნებთ, რომ ამ საკითხზეც შევძლებთ აშშ-სთან მუშაობას“, — განაცხადა ელჩმა.
მან ხაზი გაუსვა, რომ განაღმვის ერთ-ერთი მთავარი ასპექტი ნაღმების განლაგების ზუსტი რუკების არსებობაა. ამასთან, ტერიტორიების ნაღმებისგან გაწმენდა კვლავ ძვირადღირებულ, ხანგრძლივ და სახიფათო პროცესად რჩება.
ხაზარ იბრაჰიმმა ასევე აღნიშნა თეთრი სახლის მოქმედ ადმინისტრაციასთან ეფექტიანი თანამშრომლობა — „მიღწეული შეთანხმებები სწრაფად გადადის პრაქტიკულ განხორციელებაში“.
