ირანი იმ ქვეყნების სიაში შეიყვანეს, სადაც აზერბაიჯანის დიპლომატიური წარმომადგენლობები და საკონსულოები ომისა და შეიარაღებული კონფლიქტის პირობებში მუშაობენ.

როგორც Report-ი იუწყება, შესაბამის განკარგულებას ხელი აზერბაიჯანის პრემიერ-მინისტრმა ალი ასადოვმა მოაწერა.

დოკუმენტში ცვლილებები შედის დიპლომატიური სამსახურის თანამშრომლებისთვის გარანტიებისა და კომპენსაციების გაცემის წესებში, რომლებიც 2008 წლის 21 იანვრის №11 დადგენილებით დამტკიცდა.

გადაწყვეტილების თანახმად, ირანის ისლამური რესპუბლიკა აზერბაიჯანის დიპლომატიური წარმომადგენლობებისა და საკონსულოებისთვის განსაკუთრებული სამუშაო პირობების მქონე ქვეყნების სიას დაემატა.

ირანი ამ სიაში მერვე ქვეყანა გახდა. დადგენილება 2026 წლის 1 მარტიდან 31 დეკემბრამდე პერიოდზე ვრცელდება.