„დღეს მოხარული ვარ, განვაცხადო, რომ ამერიკული ძალების ბოლო დანაყოფები ერაყს ტოვებენ! ამას ძალიან დიდი დრო დასჭირდა და ძალიან ცუდმა გადაწყვეტილებებმა მიგვიყვანა ამ ჭაობამდე, მაგრამ მალე ეს ისტორიის ნაწილი გახდება. ეს ამერიკისთვის დიდი დღეა და, რაც მთავარია, ჩვენ ერაყს ვტოვებთ შესანიშნავ ახალ პრემიერ-მინისტრ ალი ალ-ზაიდისთან, რომელსაც თავიდანვე ვუჭერდი მხარს და სრულად ვუჭერდი მხარს მის კანდიდატურას. მან გაიმარჯვა არჩევნებში, სადაც მის გამარჯვებას არ ელოდნენ, და ეს დიდი უპირატესობით შეძლო!“ — ნათქვამია პუბლიკაციაში.

ტრამპის განცხადებით, ერაყში ოპერაცია „ურყევი გადაწყვეტილება“ (Operation Inherent Resolve), რომელიც 2003 წელს ჯორჯ ბუშის უმცროსის პრეზიდენტობის დროს დაიწყო და ბარაკ ობამასა და ჯო ბაიდენის ადმინისტრაციების დროს გაგრძელდა, 2026 წელს, მისი ხელმძღვანელობით დასრულდება. ტრამპმა ერაყიდან სამხედრო კონტინგენტის სრულად გაყვანას აშშ-ისა და მისი ადმინისტრაციის გამარჯვება, ასევე ტერორისტული დაჯგუფება „ისლამური სახელმწიფოს“ (ISIS) დამარცხების მაჩვენებელი უწოდა. მისი თქმით, დაჯგუფება ამერიკელმა სამხედროებმა „სრულად გაანადგურეს“.

„კოალიციის ძალებისა და აღჭურვილობის ეს მოწესრიგებული გაყვანა ერბილის ავიაბაზიდან ჯოჯოხეთში ძალიან ძვირადღირებული ექსკურსიის დასასრულს ნიშნავს. არჩევანი მქონდა — დავრჩენილიყავი თუ წავსულიყავი, და ყოველგვარი ეჭვის გარეშე მივიჩნიე, რომ ამერიკელებისთვის სახლში დაბრუნების დრო დადგა! პრემიერ-მინისტრი ალ-ზაიდი გამორჩეულია და იმედი მაქვს, რომ ის ყველაფერს ძალიან კარგად გაართმევს თავს. ჩვენ ხალიფატის წინააღმდეგ საბრძოლველად მოვედით. ხალიფატი აღარ არსებობს. ჩვენ სახლში ვბრუნდებით!“ — შეაჯამა ტრამპმა.

აშშ-ის სამხედროებმა ერაყიდან ჯარების გაყვანა ოფიციალურად 2026 წლის 30 სექტემბერს დაასრულეს, რითაც ქვეყანაში ISIS-ის წინააღმდეგ მიმდინარე მისიის ფარგლებში მათი სამხედრო ყოფნა დასრულდა.