ბაქოს საბუნჩუს რაიონში დაახლოებით 30 კგ ნარკოტიკული ნივთიერება აღმოაჩინეს.

როგორც შინაგან საქმეთა სამინისტრომ Report-ს განუცხადა, ნარკოტიკული საშუალებების უკანონო ბრუნვის წინააღმდეგ ბრძოლის ღონისძიებების ფარგლებში პოლიციამ ადრე ნასამართლევი სიანან მირზაევი და მისი ნაცნობი ქალი დააკავა.

უწყების ინფორმაციით, მათ საერთო ჯამში 22 კგ 540 გრამი მარიხუანა აღმოაჩნდათ, რომელიც ირანიდან ფიზულის რაიონში უპილოტო საფრენი აპარატის გამოყენებით იყო შეტანილი. დაკავებულები ნარკოტიკების ბაქოს ტერიტორიაზე რეალიზაციას გეგმავდნენ.

კიდევ ერთი ოპერაციის ფარგლებში, საბუნჩუს რაიონის ბაქიხანოვის დასახლებაში ნარკოტიკული საშუალებების უკანონო ბრუნვის ეჭვის საფუძველზე ადრე ნასამართლევი ვალიდ გურბანოვი დააკავეს. მას დაახლოებით 7 კგ მარიხუანა აღმოაჩნდა.

ფაქტებთან დაკავშირებით სისხლის სამართლის საქმეები აღიძრა და გამოძიება მიმდინარეობს.

აღსანიშნავია, რომ აზერბაიჯანში მიმდინარე წლის დასაწყისიდან ჩატარებული ოპერაციების შედეგად უკანონო ბრუნვიდან საერთო ჯამში 281 კგ ნარკოტიკული საშუალება და ფსიქოტროპული ნივთიერება ამოიღეს.