მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
სომხეთის პრემიერ-მინისტრმა ნიკოლ ფაშინიანმა განაცხადა, რომ უახლოეს მომავალში სომხეთიდან აზერბაიჯანში ექსპორტი განხორციელდება. „არმენპრესის“ ცნობით, ამის შესახებ პრემიერ-მინისტრმა მთავრობის სხდომის შემდეგ ჟურნალისტებთან ბრიფინგზე განაცხადა, „არმენპრესმა“ დასვა შეკითხვა, რომ ამ
სომხეთის პრემიერ-მინისტრმა ნიკოლ ფაშინიანმა განაცხადა, რომ უახლოეს მომავალში სომხეთიდან აზერბაიჯანში ექსპორტი განხორციელდება. „არმენპრესის“ ცნობით, ამის შესახებ პრემიერ-მინისტრმა მთავრობის სხდომის შემდეგ ჟურნალისტებთან ბრიფინგზე განაცხადა, „არმენპრესმა“ დასვა შეკითხვა, რომ ამ ეტაპზე ძირითადად აზერბაიჯანი ახორციელებს სომხეთში ექსპორტს, ხოლო სომხეთიდან აზერბაიჯანში ექსპორტი არ განხორციელებულა, და შესაძლებელია თუ არა უახლოეს მომავალში სომხეთიდან რაიმე საქონელი გაიტანონ აზერბაიჯანში.
„აზერბაიჯანთან საქონლის ორმხრივი ვაჭრობის ნაწილში დღის წესრიგი არსებობს და უახლოეს მომავალში სომხეთიდანაც განხორციელდება ექსპორტი აზერბაიჯანში“, – განაცხადა პრემიერ-მინისტრმა ნიკოლ ფაშინიანმა, თუმცა არ დაუკონკრეტებია, თუ რომელ საქონელზეა საუბარი. შეგახსენებთ, რომ 2026 წლის იანვარში სომხეთის პრემიერ-მინისტრმა ნიკოლ ფაშინიანმა განაცხადა, რომ სომხეთმა და აზერბაიჯანმა პოტენციური პროდუქციის სიები გაცვალეს, რითაც ვაჭრობა იგეგმება. აზერბაიჯანმა ამ პერიოდის განმავლობაში სომხეთში ძირითადად ბენზინისა და დიზელის საწვავის ექსპორტი განახორციელა.
