აზერბაიჯანის პრეზიდენტის, ილჰამ ალიევის ინიციატივით მომზადებული ახალი კანონის პროექტი „აგრარული სფეროს შესახებ“ საზოგადოებრივ განხილვაზე წარადგინეს.

როგორც Report-ი იუწყება, დოკუმენტი შვიდი თავისა და 28 მუხლისგან შედგება.

კონსტიტუციის 94-ე მუხლის I ნაწილის მე-10 და მე-11 პუნქტების შესაბამისად, კანონი განსაზღვრავს აგრარული სფეროს სახელმწიფო რეგულირებისა და სახელმწიფო მხარდაჭერის სამართლებრივ, ორგანიზაციულ, სოციალურ და ეკონომიკურ საფუძვლებს.

დოკუმენტი მიზნად ისახავს აგრარული სექტორის განვითარებას, სურსათის უსაფრთხოებისა და სოფლის ტერიტორიების მდგრადი განვითარების უზრუნველყოფას, აგრარული პროდუქციის წარმოებისა და პირველადი გადამუშავებისთვის აუცილებელი პირობების შექმნას, დარგის კლიმატის ცვლილებასთან ადაპტაციას და სასოფლო-სამეურნეო დანიშნულების მიწების ეფექტიან გამოყენებას.