სომხეთის პრემიერ-მინისტრის ნიკოლ ფაშინიანის შუამდგომლობის საფუძველზე, პრეზიდენტ ვაჰაგნ ხაჩატურიანის განკარგულებით, სომხეთის რესპუბლიკის უშიშროების საბჭოს ყოფილმა მდივანმა, სახელმწიფო და პოლიტიკურმა მოღვაწემ არმენ გრიგორიანმა და ეროვნული კრების ფრაქცია „სამოქალაქო შეთანხმების“ დეპუტატმა არაიკ არუთიუნიანმა I ხარისხის მედალი „სამშობლოს წინაშე დამსახურებისთვის“ მიიღეს.

„პრემიერ-მინისტრის შუამდგომლობის საფუძველზე, კონსტიტუციის 136-ე მუხლისა და სომხეთის რესპუბლიკის სახელმწიფო ჯილდოებისა და საპატიო წოდებების შესახებ კანონის 5.3 მუხლის პირველი ნაწილის შესაბამისად, სამშობლოს წინაშე მნიშვნელოვანი დამსახურებისთვის, მრავალწლიანი ნაყოფიერი საქმიანობისა და საქმისადმი ერთგულებისთვის, დამოუკიდებლობის დღის აღსანიშნავად, I ხარისხის მედლით „სამშობლოს წინაშე დამსახურებისთვის“ დაჯილდოვდნენ სახელმწიფო და პოლიტიკური მოღვაწე არმენ ვალერის ძე გრიგორიანი და სომხეთის რესპუბლიკის ეროვნული კრების დეპუტატი არაიკ ედუარდის ძე არუთიუნიანი“, — ნათქვამია განკარგულებაში.