მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
მომავალ წელს აზერბაიჯანში მინიმალური ხელფასი, პენსიები და სოციალური დახმარებები გაიზრდება. როგორც Report-ი იუწყება, ამის შესახებ პრეზიდენტმა ილჰამ ალიევმა პარტია „ენი აზერბაიჯანის“ VIII ყრილობაზე გამოსვლისას განაცხადა. „ჩვენ ამ პოლიტიკას
მომავალ წელს აზერბაიჯანში მინიმალური ხელფასი, პენსიები და სოციალური დახმარებები გაიზრდება.
როგორც Report-ი იუწყება, ამის შესახებ პრეზიდენტმა ილჰამ ალიევმა პარტია „ენი აზერბაიჯანის“ VIII ყრილობაზე გამოსვლისას განაცხადა.
„ჩვენ ამ პოლიტიკას რეგულარულად ვატარებთ, რათა აზერბაიჯანელი ხალხის კეთილდღეობა წლიდან წლამდე გაუმჯობესდეს. თუმცა, ბუნებრივია, ამისთვის საჭიროა ეკონომიკური განვითარება. მართალია, მთლიანი შიდა პროდუქტის ზრდის ტემპები არცთუ დიდი მაჩვენებლებით იზომება, მაგრამ ჩვენი საერთო ეკონომიკური პოტენციალი საკმაოდ ძლიერია“, – განაცხადა მან.
სახელმწიფოს მეთაურმა აღნიშნა, რომ აზერბაიჯანში საერთაშორისო საინვესტიციო ფორუმი სულ ორჯერ ჩატარდა – მიმდინარე წლისა და გასული წლის სექტემბერში. ორივე ფორუმზე გაფორმებული საინვესტიციო ხელშეკრულებების საერთო მოცულობა 20 მილიარდ დოლარს აღემატება.
„ანუ ინვესტიციების გარეშე ვერც ერთი ეკონომიკა ვერ განვითარდება. მხოლოდ სახელმწიფო ინვესტიციები აქ საკმარისი არ იქნება. ჩვენ გვჭირდება უცხოური ინვესტიციები როგორც ნავთობისა და გაზის, ისე არანავთობისა და გაზის სექტორში. შესაბამისად, ეს, ფაქტობრივად, აზერბაიჯანის ეკონომიკისადმი ნდობას ნიშნავს. ნახეთ, სექტემბრის ბოლოს გამართულ მეორე საინვესტიციო ფორუმში მსოფლიოს წამყვანმა საინვესტიციო ინსტიტუტებმა მიიღეს მონაწილეობა. მათი მართვის ქვეშ არსებული სახსრების მოცულობა 30 ტრილიონ დოლარს აღემატება. ანუ ძნელი წარმოსადგენი არ არის, რა დონის ადამიანები – ჩამოვიდნენ ამ კომპანიებისა და საინვესტიციო ფონდების ხელმძღვანელები – თანამშრომლობენ აზერბაიჯანთან და მომავალშიც სურთ თანამშრომლობა“, – აღნიშნა პრეზიდენტმა ალიევმა.
