მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
ბაქოში კულტურის სამინისტროსა და რელიგიურ ორგანიზაციებთან მუშაობის სახელმწიფო კომიტეტის ინიციატივით გაიმართა კონფერენცია თემაზე — „ისტორიულ-რელიგიური ძეგლების შენარჩუნება: გამოწვევები და პერსპექტივები“. როგორც Report-ი იუწყება, ღონისძიებაში მონაწილეობდნენ შესაბამისი სახელმწიფო უწყებების
ბაქოში კულტურის სამინისტროსა და რელიგიურ ორგანიზაციებთან მუშაობის სახელმწიფო კომიტეტის ინიციატივით გაიმართა კონფერენცია თემაზე — „ისტორიულ-რელიგიური ძეგლების შენარჩუნება: გამოწვევები და პერსპექტივები“.
როგორც Report-ი იუწყება, ღონისძიებაში მონაწილეობდნენ შესაბამისი სახელმწიფო უწყებების ხელმძღვანელები, მილი მეჯლისის დეპუტატი, მეცნიერები, შესაბამის სფეროში მომუშავე სპეციალისტები, ასევე საზოგადოების წარმომადგენლები.
კონფერენციაზე სიტყვით გამოვიდნენ რელიგიურ ორგანიზაციებთან მუშაობის სახელმწიფო კომიტეტის თავმჯდომარე რამინ მამედოვი, კულტურის მინისტრი ადილ ქერიმლი, მილი მეჯლისის საზოგადოებრივ გაერთიანებებსა და რელიგიურ დაწესებულებებთან ურთიერთობის კომიტეტის თავმჯდომარე ფაზილ მუსტაფა და აზერბაიჯანის არქიტექტურისა და მშენებლობის უნივერსიტეტის რექტორი, პროფესორი გულჩოხრა მამედოვა.
ღონისძიება გაგრძელდა პანელური დისკუსიებით, რომლებზეც განიხილეს რელიგიურ-კულტურული მემკვიდრეობის ობიექტების დაცვისა და რესტავრაციის თანამედროვე მიდგომები, მათი შენარჩუნების პროცესში რელიგიური თემების როლი, ასევე ოკუპაციისგან გათავისუფლებულ ტერიტორიებზე აღდგენილი რელიგიურ-არქიტექტურული ძეგლების მნიშვნელობა.
