მშვიდობიანი კავკასიის მედია — დამოუკიდებელი ამბები საქართველოსა და რეგიონიდან.
18 სექტემბერს სომხეთის რესპუბლიკის თავდაცვის სამინისტროს ადმინისტრაციულ კომპლექსში სომხეთსა და აშშ-ს შორის ორმხრივი თავდაცვის კონსულტაციები გაიმართა, რომლის შედეგადაც მხარეებმა გაწეული სამუშაოებისა და მიღწეული შეთანხმებების შესახებ ოქმს ხელი მოაწერეს.
18 სექტემბერს სომხეთის რესპუბლიკის თავდაცვის სამინისტროს ადმინისტრაციულ კომპლექსში სომხეთსა და აშშ-ს შორის ორმხრივი თავდაცვის კონსულტაციები გაიმართა, რომლის შედეგადაც მხარეებმა გაწეული სამუშაოებისა და მიღწეული შეთანხმებების შესახებ ოქმს ხელი მოაწერეს.
როგორც „არმენპრესს“ სომხეთის რესპუბლიკის თავდაცვის სამინისტროში განუცხადეს, კონსულტაციებში მონაწილეობდნენ სომხეთის რესპუბლიკის თავდაცვის სამინისტროს წარმომადგენლები, კანზასის ეროვნული გვარდიის (აშშ) მეთაური, ბრიგადის გენერალი პოლ შნაიდერი, ასევე აშშ-ის თავდაცვის სამინისტროს სხვადასხვა სტრუქტურის წარმომადგენლები.
კონსულტაციების ფარგლებში შეჯამდა სომხეთსა და შეერთებულ შტატებს შორის თავდაცვის სფეროში თანამშრომლობის ფარგლებში ბოლო წლებში განხორციელებული პროგრამები. მხარეებმა ასევე განიხილეს თანამშრომლობის შემდგომი განვითარების პოტენციალი ყველა მიმართულებით.
კონსულტაციების შეჯამებისას გენერალ-მაიორმა არტურ ეროუიანმა აღნიშნა, რომ ზემოხსენებულ ყველა სფეროში თანამშრომლობა სომხეთის შეიარაღებული ძალების ტრანსფორმაციის პროცესის ფარგლებში ხორციელდება.
აშშ-ის თავდაცვის მინისტრის მოადგილის თანაშემწემ ენდრიუ ლუმისმა აღნიშნა, რომ შეერთებული შტატები გააგრძელებს სომხეთში მიმდინარე თავდაცვის რეფორმების მხარდაჭერას.
„შეერთებული შტატები კვლავაც გააგრძელებს სომხეთში მიმდინარე თავდაცვის რეფორმების მხარდაჭერას, გამოიყენებს რა თავისი საკონსულტაციო, საექსპერტო და დახმარების სხვა პროგრამების სრულ პოტენციალს ამ პროგრამების ფარგლებში განხორციელებული არმიის ტრანსფორმაციის პროცესების მხარდასაჭერად“, — განაცხადა ლუმისმა.
კონსულტაციების შედეგად მხარეებმა გაწეული სამუშაოებისა და მიღწეული შეთანხმებების შესახებ ოქმს ხელი მოაწერეს.
